कोहलपुर प्रहरीले बाख्रा चोर्ने दुई जनालाई पक्राउ गरेको जनाएको छ । पक्राउ पर्नेमा बाँकेको खजुरा गाँउपालिका वडा नं. ६ बस्ने २२ वर्षीय हर्ष बहादुर पोख्रेल र बर्दिया बाँसगढी नगरपालिका वडा नं. ६ बस्ने १९ वर्षीय प्रदिप सुनार रहेको प्रहरीले जनाएको छ ।

उनीहरूले चैत १ गते राती बर्दियाको बढैयाताल गाँउपालिका वडा नं. ३ का स्थानीय दिपक सुनारको गोठबाट २ वटा खसी चोरी गरी कोहलपुर ल्याएका थिए । दुबैजनालाई विशेष सूचनाको आधारमा कोहलपुर नगरपलिका वडा नं. १२ चप्परगौडीबाट प्रहरीले पक्राउ गरेको हो ।

उनीहरूको साथबाट प्रहरीले दुई वटा खसी बाख्रा र भे१ह ४४४३ नम्बरको अटो रिक्सा समेत बरामद गरेको जनाएको छ ।