फागुन २२ गते हुन गईरहेको कोहलपुर उद्योग बाणिज्य संघको निर्वाचनका लागि बिष्णु खनाल नेतृत्वको साझा समावेसी प्यानललाई कोहलपुर १२ चपरगौडी क्षेत्रका व्यवसायीले मतदान गरेर बिजयी गराउने प्रतिबद्धता जनाएका छन । सो समुहले मंगलवार व्यापारीसँग गरेको भेटघाट कार्यक्रममा चप्परगौडी सुधार समितीका अध्यक्ष एकनारायण चापागाईले आफुहरुको सर्मथन खनाल नेतृत्वको सम्पुर्ण प्यानललाई रहेको बताए ।
भेटघाटनमा पुगेको खनाल नेतृत्वको प्यानलसंगै चप्परगौडी बजार सुधार समितिका अध्यक्ष चापागाई लगायतका अन्य प्रतिष्ठीत उद्योगी व्यवसायी पनि साथ साथै व्यवसायी भेटघाटनमा सहभागी भएका थिए ।
घरदैलोका क्रममा त्यस क्षेत्रका व्यवसायीका समस्या बारे जानकारी लिदै चप्परगौडी क्षेत्रका व्यवसायीहरुको समस्या बारे सुझाव समेत संकलन गरीएको महासचिव पदका उम्मेदवार नबिन खड्काले जानकारी दिए । चुनाव प्रचारमा पुगेको सो टोलीसँग चप्परगौडी क्षेत्रका व्यवसायीले सो क्षेत्रमा व्यवस्थीत अटो भिलेज निर्माणको पहल गरिदिन आग्रह गरेको र आफुहरुले सोको लागी पहल गर्ने प्रतिबद्धता जनाएको खड्काले बताए ।
सबै खाले व्यवसायीको हित र अधिकारका लागि काम गर्न सुझाव आएको अध्यक्ष पदका उम्मेदवार बिष्णु खनालले जानकारी दिए । झण्डै ३० वर्ष कोहलपुरको व्यवसायिक ईतिहासमा आफु जहिले पनि व्यवसायिक हित र अधिकारकालागि लागीपरेको बताउदै खनालले यस पटक व्यवसायीमा देखिएको उत्साहले आफुहरुको जित निश्चित भएको दावी समेत गरे ।
उद्योग तर्फका उपाध्यक्षका उम्मेदवार कमल खड्काले आफ्नो प्यानलमा सबै क्षेत्रको व्यवसायीको सहभागता रहेकोले पनि व्यवसायीको माया आफ्नो प्यानलले पाउने विश्वास व्यक्त गरे । कतिपय नयाँ र संघको संस्थापक सदस्य मध्येका व्यवसायीक प्यानल बनाएर आफुहरु अगाडी बढेको उनको भनाई थियो ।
कोहलपुर अटो एसोसियसनका अध्यक्ष एंव चप्परगौडी क्षेत्रका व्यवसायी रबि कर्मचार्यले अटो व्यवसायीको साथ बिष्णु खनाल नेतृत्वको प्यानललाई रहेको बताए । उनले आफुहरु खनाल नेतृत्वको प्यानल बिजयी गराउन आतुर रहेको बताए ।
व्यवसायी घेटघाट कार्यक्रममा संघिय साँसद महेश्वर गहतराज अथक, नेकपाका नेता नरेन्द्र न्यौपाने, अवराज खड्का लगायतको पनि सहभागिता रहेको थियो ।
संघिय संसद अथकले कोहलपुर क्षेत्रको उद्योग तथा व्यवसायलाई माथि उकास्नका लागि पुरानो व्यवसायी खनाल नेतृत्वमा मात्रै सम्भव भएको बताए । उनले झण्डै ३० वर्षको खनालको व्यवसायीक अनुभवले कोहलपुर उद्योग बाणिज्य संघलाई थप उचाईमा लैजाने सक्ने भएकाले आफुले खनाल नेतृत्वको प्यानल प्रति सुवेक्षा प्रकट गरेको बताए । खनाल बिजयी भएमा नैवस्ता औधोगिक क्षेत्र निर्माणमा पनि थप सहजता हुने अथकले बताए ।
