कोहलपुर नगरपालिकास्थित १० नं. वडामा रहेको जीबन ज्योती स्कुलले आफ्नो पाँचौ अभिभावक दिवस मनाएको छ । क्रिसमस डे अर्थात मंगलबार जीवन ज्योतीले बिभिद कार्यक्रम गरी आफ्नो अभिभावक दिवस मनाएको हो ।
कार्यक्रमको कोहलपुर नगरपालिकाका प्रमुख लुटबहादुर रावतले उद्घाटन गरेका थिए । कार्यक्रम उद्घाटन गर्दै नगर प्रमुख रावतले जिबन ज्योतीले कोहलपुर क्षेत्रमा पृथक बिद्यालयको पहिचान स्थापित गर्न सफल भएको बताए । विद्यालयले समय समयमा गर्ने बिज्ञान, कला, शिल्प तथा सिप जस्ता विषयबस्तुले कलिला बालबालिकाहरुको मस्तिष्कमा सकारात्मक प्रभाब पर्न गई ब्यबहारीक शिक्षामा समेत टेवा पुग्ने विश्वास ब्यक्त गरे ।
नगर उपप्रमुख सञ्जु कुमारी थारुले कोहलपुरलाई शैक्षिक हबको रुपमा चिनाउन जिबन ज्योतीले बेग्लै पहिचान दिएको चर्चा गर्दै निजि र सरकारी बिद्यालय माझ जिबन ज्योती मध्यमार्गी बिद्यालयको रुपमा उभिएको बताइन ।
बिद्यालयका अध्यक्ष कृष्ण बहादुर थापाको सभापतित्वमा सम्पन्न कार्यक्रममा नर्सरी देखि युकेजिसम्मका स(साना नानीबाबुहरुले बिभिन्न बिधाका गितमा रोचक नृत्य प्रस्तुत गरेका थिए ।
हरेक वर्ष अभिभावक दिवस मनाउँदै आएको बिद्यालयले ईलाका प्रशासन कार्यालय कोहलपुरका प्रमुख दत्तराज हमाल, कोहलपुर नगर कार्यपालिका सदस्य नारायणी वलि, वडा नं. १० का वडा सदस्य ओम प्रकाश बर्णवाल, नगर शिक्षा प्रमुख राम सुरेश यादब, श्रोत ब्यक्ति जय प्रकाश शाह, पत्रकार महासंघ बाँकेका उपाध्यक्ष प्रदिप वाग्ले लगायतको उपस्थितीमा बृहत कार्यक्रम सम्पन्न गरीएको विद्यालय ब्यवस्थापन समितिका सदस्य चण्डीप्रसाद गैरेले जानकारी दिए ।
