दाङको तुलसीपुर नगरपालिका ३ मा भएको बस दुर्घटनामा मृत्यु हुनेको संख्या १६ पुगेको छ।
दुर्घटनामा १३ जनाको जीवितै उद्धार गरिएको छ। उनीहरुलाई राप्ती उपक्षेत्रीय अस्पताल तुलसीपुरमा उपचारका लागि ल्याइएको छ।
रातिको समय भएकोले उद्धारमा कठिनाइ भएको प्रहरीले जनाएको छ।
तुलसीपुर सल्यान सडक खण्डको तुलसीपुर उप–महानगरपालिका ३ राम्री भन्ने स्थानमा बस दुर्घटना भएको थियो। राप्ती प्राविधिक शिक्षालयका विद्यार्थीको अवलोकन भ्रमणबाट फर्कँदै गरेको बा ४ ख ९७६६ नम्बरको बस दुर्घटना भएको हो।
घटनामा २ जना गम्भीर घाइते भएको र थप विवरण आउन बाँकी रहेको बताइएको छ।
६ पुष २०७५, शुक्रबार १९:३१ प्रकाशित
