पूर्वपश्चिम राजमार्ग अन्र्तगत बाँकेको बैजनाथ गाउँपालिका-५ जिउगाउँमा स्कुलको बसले ठक्कर दिदा दुई जनाको मुत्यु भएको छ । मृत्यु हुनेमा सुर्खेत लेकबेसी नगरपालिका-१ का बिक्रम गहतराज र गुर्भाकोट-१२ का मदन सुनार रहेको इलाका प्रहरी कार्यालय कोहलपुरका प्रहरी निरिक्षक मानबहादुर बिसीले जानकारी दिए ।
सम्झानाचोक जादै गरेको बालज्योती स्कुलको बा १ क ४४९५ नम्बरको बस र बाँसगढीबाट कोहलपुर आउँदै गरेको लु ४३ प ९५९९ नम्बरको मोटरसाईकल एक आपसमा ठोक्किएका थिए । घटना भएपछि गमभीर घाइते भएका मोटरसाईकल चालक र पछाडी बसेका दुबै जनालाई उपचारकालागि कोहलपुर मेडिकल कलेज पुर्याईएपनि डक्टरहरुले दुबैलाई मृत घोषणा गरेका थिए ।
मृतकको सनाखन भइसकेकाले उनीहरुको आफन्तहरु बुझाउने तयारी भईरहेको प्रहरी निरिक्षक बिसीले बताए । शब कोहलपुर नै राखिएको छ । प्रहरीले बस र बस चालकलाई नियन्त्रणमा लिएको छ ।