शान्ति पत्रकारिता बिषयक एक दिने कार्यशाला गोष्ठि नेपालगन्जमा सम्पन्न भएको छ । सामुदायिक शान्ति प्रबद्र्धनका असल अभ्यासहरुको अनुसन्धान र प्रकाशन अभिबृद्धिकालागि संचारकर्मीहरुका बिचमा कार्यशाला गोष्ठी आयोजना गरिएको हो ।
बरिष्ठ पत्रकार पुस्कर माथेमाले शान्ति पत्रकारीताको आवश्यकताका बारेमा सहजिकरण गरेका थिए । कार्यक्रमको सहजिकरण गर्दै माथेमाले नेपालमा अब युद्ध पत्रकारीताको आबश्यकता नरहेको भन्दै शान्ति पत्रकारीताको बिभिन्न आयामहरुका बारेमा चर्चा समेत गरेका थिए ।

कार्यक्रममा बाँकेका पत्रकारहरुले यूद्धकालमा भोगेका आफ्ना अनुभबहरु समेत साटासाट गरेका थिए । पत्रकारलाई शान्ति स्थापना र शान्ति पत्रकारिताकालागि सबैका समस्याहरुको पहिचा गरि समाचार लेखनमा समेत ध्यान दिन आग्रह गरिएको थियो । शान्ति पत्रकारिता कुनै खेलकुदको जस्तो समाचार नभई दिगो र प्रभाबकारी हुने भएकाले त्यसमा गम्भरि हुनुपर्नेमा समेत जोड दिईएको थियो । कार्यक्रममा नेपालगन्जका पत्रकारहरुको उपस्थिती रहेको थियो ।