कोहलपुर नगरपालिका वडा नम्बर ६ का वडाध्यक्ष रामशोहन थारुको निधन भएकाे छ । हृदयघातका कारण अाईतबार बिहान ५ बजेतिर अचानक अस्वस्थ भएपछि थारुलाई उपचारका लागि मेडिकल कलेज कोहलपुरमा भर्ना गरिएको थियो ।

नेपाली काँग्रेसबाट प्रतिनिधित्व गर्दै निर्वाचित भएका थारूकाे उपचारका क्रममा निधन भएको पारिवारिक स्रोतले जनाएको छ । थारुका श्रीमती, २ छोरा र २ छोरी छन् ।

यसैबीच काँग्रेस कोहलपुर नगर कमिटिले आज कोहलपुरमा आयोजना गर्ने भनिएकाे आमसभा स्थगित भएको छ । नेपाली काँग्रेसका केन्द्रिय सदस्यद्वय शेखर कोइराला र गगन थापाले सम्बोधन गर्ने पूर्व निर्धारित आमसभा थारुको निधनपछि स्थगित भएको हो।