कोहलपुरस्थित बागेश्वरी बहुमुखी क्याम्पसले बाँके क्षेत्र नं. १ का प्रतिनिधि सभा सदस्य महेश्वर गहतराज ‘अथक’ लाई सम्मान गरेको छ । क्याम्पसले एक कार्यक्रमका बिच साँसद अथकलाई सम्मान गरेको हो ।
साँसद विकास कोष अन्तर्गत क्याम्पसलाई रु. १० लाख बजेट विनियोजन गरिदिएकाले साँसद अथकलाई सम्मान गरिएको क्याम्पस ब्यवस्थापन समितिका अध्यक्ष नरेन्द्र न्यौपानेले जानकारी दिए । स्थानीय पुर्वाधार बिकास साझेदारी कार्यक्रमको १० लाख रकमले क्याम्पस परिसरमा सभाहल निर्माण गरिने न्यौपानेले बताए ।
सम्मान कार्यक्रममा बोल्दै साँसद अथकले शिक्षा क्षेत्र आफ्नो पहिलो प्राथमिकतामा रहेको बताए । शिक्षित मानशिकताले विकासका अन्य पक्षहरुलाई परिचालन गर्न सक्ने भएकाले विकासको पहिलो चरणका रुपमा शिक्षा क्षेत्रलाई प्राथमिकतामा राखिएको दाबी गरे । साँसद विकास कोष अन्तर्गत प्राप्त ४ करोड बजेटमध्ये ३ करोड ५९ लाख रकम शिक्षा क्षेत्रमै विनियोजन गरिएको साँसद अथकले जानकारी दिए ।
विशेषगरी ग्रामिण क्षेत्रमा रहेका विद्यालय र क्याम्पसहरुलाई जिल्लाको मुल प्रावाहमा ल्याउने आफ्नो योजना रहेको अथकले स्पष्ट पारे ।