नोभेम्वर २० देखि २४ सम्म भारतमा हुन गईरहेको क्रिकेट प्रतियोगितामा भाग लिन नेपाली महिला क्रिकेट टोली भारत जाने भएको छ । भारतको चण्डीगढमा आयोजना गरिने ‘अटल बिहारी बाचपेयी अन्तराष्ट्रिय महिला क्रिकेट प्रतियोगिता’ मा सहभागी हुने नेपाली टोलीमा कोहलपुरकी चेली पर्न सफल भएकी छन ।
बाँके कोहलपुरकी मनिषा राना अन्तराष्ट्रिय क्रिकेट प्रतियोगिताकालागि छनोट भएकी हुन । बङ्गलादेश, पाकिस्तान, नेपाल, भुटान र भारत गरी ५ देशले सहभागीता जनाउने उक्त प्रतियोगितामा नेपाली महिला क्रिकेट टोलीले पहिलो पटक सहभागीता जनाउन लागेको हो । पहिलो टीममै कोहलपुरकी चेली मनिषा राना छनोट हुन सफल भएको क्रिकेट प्रशिक्षक नितेष विष्टले जानकारी दिए ।