नेपाल मजदुर किसान पार्टीकी नेतृ गोमा शाहीको शवयात्रा निकालिएको छ । गत बुधबार सडक दुर्घटना हुँदा शाहीको निधन भएको थियो । कोहलपुरबाट आप्mनो निवासतर्फ जाने क्रममा शाही दम्पतीलाई कोहलपुरको विद्युतरोड चोकमा भे १ च १६७२ नम्बरको म्याजिक भ्यानले ठक्कर दिएको थियो । भ्यानको ठक्करले गम्भीर घाईते भएकी शाहीको घटनास्थलमै मृत्यु भएको थियो भने मोटरसाईकल चालक तथा मृतक शाहीका पति अन्जिर शाही गम्भीर घाईते भएका थिए ।

लोकदोहोरी गायीका सपना शाहीकी आमा समेत रहेकी शाहीका ३ छोरी र १ छोरा छन । कान्छी छोरी अष्ट्रेलिया बस्ने भएकाले उनी आएलगत्तै शनिबार शवयात्रा निकालिएको हो । शाहीको शवलाई कोहलपुर नगरक्षेत्र परिक्रमा गराईएको थियो । सयौं स्थानियहरु श्वयात्रामा सहभागी भएका थिए । शाहीको आजै हिन्दु संस्कार अनुसार कार्णाली घाटमा दाहसंस्कार गरीदै छ ।