नेपालगन्ज – बाँके नेपालगन्ज उप–महानगरपालिका वडा नम्बर ४ मा भइरहेको एउटा जुवा अखडामा वडा प्रहरी कार्यालय नेपालगन्जले मध्यरातमा छापा मारेको छ । नेपालगन्ज ४ कारकाँदोमा रहेको भक्त बहादुर श्रेष्ठको घरमा कोठा भाडामा बस्ने हेमा भुजेलको कोठामा जुवा जुवा खेलाइरहेको सुचनाको आधारमा मंगलबार मध्यराती छापा मारेर ४ जना जुवाडेलाई पक्राउ गरिएको वडा प्रहरी कार्यालय नेपालगन्जका प्रमुख प्रहरी निरीक्षक नारायण डाँगीले जानकारी दिए ।
उनका अनुसार जुवा खालबाट ७६ हजार ६ सय ३५ रुपैया समेत बरामद गरिएको छ । प्रहरीका अनुसार जुवा खालबाट पक्राउ पर्नेमा नेपालगन्ज उप–महानगरपालिका १८ बस्ने रबी गिरी, रमित शाही, जय बहादुर चन्द, र नेपालगन्ज ४ बस्ने पुर्ण बहादुर शाही रहेका छन् ।
कोठबाट जुवा खेल्न प्रयोग गरिएको ४ गड्डी तास समेत बरामद गरिएको थियो । उनीहरुलाई आवश्यक कारबाहीका लागि जिल्ला प्रहरी कार्यालय बाँकेमा पठाइएको वडा प्रहरीले जनाएको छ ।
१४ कार्तिक २०७५, बुधबार ११:४२ प्रकाशित
