कोहलपुर प्रहरीले रेडपाण्डाको छाला सहित एक जनालाई नियन्त्रणमा लिएको जनाएको छ । बाँकेको कोहलपुर नगरपालिका वडा नं. २ मुगालीबस्तीबाट दुई वटा रेड पाण्डाको छालासहित कोहलपुर–२ का ३१ वर्षिय मानबहादुर शाहीलाई पक्राउ गरेको हो ।
५ नं प्रदेश प्रहरी अनुसन्धान व्यूरोको टोलीका प्रहरी निरिक्षक देबिप्रसाद पौडेलको नेतृत्वमा गएको टोलीले शनिबार साँझ ५ बजेतिर दुई थान रेड पाण्डाको छालासहित शाहीलाई उनकै घरबाट नियन्त्रणमा लिएको हो ।
बरामद छाला र शाहीलाई स्थलगत मुचुल्का गरी थप अनुसन्धानकलागि जिल्ला प्रहरी कार्यालय बाँकेमा बुझाउने बताए ।