हिन्दु धर्मावलम्वीहरुको ठुलो पर्व दिपावलीका अवसरमा बाँकेको कोहलपुरमा मोटिभेसन कार्यक्रम गरिने भएको छ । नेपाल तमु विद्यार्थी छोंज धि जिल्ला कार्यसमिति बाँकेको आयोजनामा यहि कार्तिक १५ गते मोटिभेसन कार्यक्रम आयोजना हुन लागेको हो ।
कोहलपुर-८ पिपरीमा रहेकोको साईनिङ स्टार अँग्रेजी माध्यामिक विद्यालयमा आयोजना गर्ने भनिएको उक्त मोटिभेसन कार्यक्रममा रोहीत मल्लले आफ्ना जिवनका संघर्ष र सफलताका शुत्रहरुका बारेमा प्रस्तुती दिने आयोजक संस्थाले जनाएको छ । कार्यक्रमको मुख्य आकर्षणका रुपमा मोटिभेटर मल्ललाई कोहलपुर ल्याउन लागिएको कार्यक्रमका संयोजक ऋषि थापाले जानकारी दिए ।
धार्मिक सहिष्णुता र सामाजीक मेलमिलापलाई बढाउने उद्धेश्यले आयोजना गर्न लागिएको कार्यक्रममा चर्चित पप गायक कमल खत्रीको समेत प्रस्तुती रहने कार्यक्रमका व्यवस्थापक सुदन गुरुङले जानकारी दिए । बेटर बाँकेको प्राविधिक सहयोगमा संचालन गरिने उक्त कार्यक्रममा आउन चाहनेहरुकालागि रु। ३०० मा टिकटको व्यवस्था मिलाईएको गुरुङले बताए ।