दशैंलाई लक्षित गर्दै बाँकेको नेपालगन्जमा दशैं डिजे डान्स पार्टीको आयोजना हुने भएको छ । न्यू नेपाल एडभर्टिज सर्भिसको आयोजनामा यहि अशोज २९ गते चर्चित डिजे सहितको डान्स पार्टी आयोजना गर्न लागिएको आयोजकले जनाएको छ ।
नेपालगन्जस्थित किचन हटमा आयोजना गरिने डान्स पार्टीमा नेपालका चर्चित डिजे नेहा र डिजे तामाङले सहभागीहरुलाई नचाउने भएका छन । त्यसैगरी आवाज ब्याण्डले समेत आफ्नो प्रस्तुती दिने बताईएको छ । कार्यक्रमलाई मध्यनगर गर्दै आवाज ब्याण्ड बाँके आउन लागेको हो ।
डान्स पार्टीमा बाईक स्टन्ट पनि देखाईने भएको छ । रबिन श्रेष्ठले कार्यक्रम स्थलमा बाईक स्टन्टद्धारा मनोरञ्जन प्रदान गर्नेछन ।
विशेषगरी युवा पुस्तालाई लक्षित गरि आयोजना गर्न लागिएको उक्त डान्स पार्टीलाई यस क्षेत्रका चिर्चित कार्यक्रम प्रस्तोता प्रज्वल श्रेष्ठले संचालन गर्ने कार्यक्रम तय भएको आयोजक संस्थाले जानकारी दिएको छ ।
२५ आश्विन २०७५, बिहीबार १८:०० प्रकाशित
