बाँकेको राप्ती सोनारी गाउँपालिका-९ मा शनिबार बिहान भएको सडक दुर्घटनामा मृत्यु हुने ६ जना मध्ये ५ जनाको सनाखत भएको छ । दाङबाट बाँकेको नेपालगन्जकालागि छुटेको रा १ ख १६६२ नम्बरको हायस कोहलपुरबाट पूर्व जाँदै गरेको लु १ ख ७७२९ नम्बरको ट्रकसँग ठोक्कीएको थियो । बिहान करिब ८ः३० बजे पूर्वपश्चिम राजमार्ग अन्तर्गत राप्ती सोनारी गाउँपालिका–९ मुगुवा खोला नजिकै हायस र ट्रक एकआपसमा ठोक्कीएको कोहलपुर प्रहरीले जनाएको छ ।
दुर्घटनामा हायसमा सवार करिब २५ जना यात्रुहरुमध्ये ४ जनाको घटनास्थलमै ज्यान गएको थियो भने २ जनाको उपचारकालागि नेपालगन्ज मेडिकल कलेज शिक्षण अस्पताल कोहलपुरमा ल्याउँदै गर्दा मृत्यु भएको प्रहरीले जनाएको छ । घटनामा दाङ तुल्सीपुर निवासी ३२ वर्षका तुल्सी रावत र सोही ठाँउ निवासी २६ वर्षकी बसन्ती चौधरी, तुल्सीपुर उपमहानगरपालिकाकै ४० वार्षकी नारायणी शिरिष र वर्ष ३० कि दोर्णा बुढाथोकीको मृत्यु भएको प्रहरीले पुष्टि गरेको छ । त्यसैगरी हायस चालक दाङ तुल्सीपुर उपमहानगरपालिका निवासी ३९ वर्षिय सुगन चौधरीको समेत मृत्यु भएको छ भने मृतक १ जनाको शनाखत हुन बाँकी रहेको प्रहरीले जनाएको छ । मृतकको शवलाई पोष्टमार्टमकालागि भेरी अन्चल अस्पताल नेपालगन्ज लगिएको छ ।
दुर्घटनामा घाईते भएका १७ जनाको कोहलपुरस्थित नेपालगन्ज शिक्षण अस्पतालमा उपचार भईरहेको छ । अधिकाशं घाईतेहरुलाई खुट्टामा चोट लागेपनि सबै घाईतेको अवस्था सामान्य रहेको प्रहरीले जनाएको छ । ट्रकका चालकलाई प्रहरीले नियन्त्रणमा लिएको छ ।
घाईतेहरुको विवरण
१) दाङ तुल्सीपुर उपमहानगरपालिका-५ बस्ने ५० वर्षकी धनीसरा चौधरी
२) रोल्पा थपाङ गाँउपालिका-२ बस्ने ४३ वर्षकी रासकुमारी रोका
३) सल्यान सारदा नगरपालिका-१४ बस्ने ३० वर्षकी चन्द्रकला पुन
४) रोल्पा थवाङ गाँउपालिका-२ बस्ने ४२ वर्षको कर्म बहादुर बुढा
५) दाङ तुल्सीपुर नगरपालिका-६ बस्ने ४० वर्षकी ईन्दीरा केसी
६) सल्यान छाँयाछत्र गाउपालिका-३ बस्ने वर्ष २२ की मिना योगी
७) दाङ तुल्सीपुर उपनगरपालिका-६ बस्ने ४२ वर्षकी ईश्वरी विक
८) दाङ तुल्सीपुर उपमहानगरपालिका-६ बस्ने ४९ वर्षका टेक बहादुर सुनार
९) दाङ तुल्सीपुर उपमहानगरपालिका-७ बस्ने २१ वर्षकी कृष्णा कुमारी रिजाल
१०) दाङ तुल्सीपुर उपमहानगरपालिका-६ बस्ने ३६ वर्षकी कल्पना बस्नेत
११) दाङ तुल्सीपुर उपमहानगरपालिका-३ बस्ने २३ वर्षकी अन्जली बर्मा
१२) दाङ तुल्सीपुर उपमहानगरपालिका-५ बस्ने २४ वर्षकी गिता भण्डारी
१३) दाङ तुल्सीपुर उपमहानगरपालिका-८ बस्ने २३ वर्षका प्रेम बुढा
१४) दाङ तुल्सीपुर उपमहानगरपालिका-१ बस्ने २८ वर्षका मोहन जोसी
१५) दाङ तुल्सीपुर उपमहानगरपालिका-७ बस्ने ४८ वर्षकी मनकुमारी वली
१६) दाङ तुल्सीपुर उपमहानगरपालिका-५ बस्ने २२ वर्षकी अन्जली पुन
