५ फागुन, काठमाण्डौं । सन् २०२६ को पहिलो सूर्य ग्रहण आज (मंगलवार, १७ फेब्रुअरी) लाग्दैछ । यो पूर्ण ग्रहण हुनेछैन तर घेराको रूपमा देखिने बीबीसीले जनाएको छ, जसमा सूर्यको लगभग ९६ प्रतिशत भाग चन्द्रमाले ढाक्नेछ।

यो ग्रहण तब हुन्छ जब चन्द्रमा पृथ्वी र सूर्यको बीचमा जान्छ, तर चन्द्रमा सूर्यभन्दा सानो भएकोले यसले सूर्यलाई पूर्ण रूपमा ढाक्दैन ।

यसलाई ‘रिङ अफ फायर’ भनेर चिनिन्छ । यो घटना तब हुन्छ जब पृथ्वी, सूर्य र चन्द्रमा एउटै रेखामा हुन्छन् ।

नासाका अनुसार, ‘रिङ अफ फायर’ त्यो समय हो जब चन्द्रमा पृथ्वीबाट आफ्नो सबैभन्दा टाढा बिन्दुमा वा त्यसको नजिक हुन्छ। यस समयमा चन्द्रमा सूर्यलाई पूर्ण रूपमा ढाक्दैन र पृथ्वीबाट टाढा भएकाले सानो देखिन्छ।

सूर्यग्रहण नेपाली समयअनुसार दिउँसो ३:३९ बजे शुरू हुनेछ र लगभग साढे चार घण्टा, साँझ ७:५७ बजेसम्म रहनेछ।

यद्यपि यो सूर्यग्रहण नेपाल र भारतमा पनि देखिने छैन । यो दक्षिण अफ्रिका, अन्टार्कटिका र दक्षिण अमेरिकाका केही भागहरूमा देखिनेछ । यो जिम्बाब्वे, मौरिसस, मोजाम्बिक, तान्जानिया, नामिबिया, चिली र अर्जेन्टिनामा पनि देखिनेछ ।

सूर्य ग्रहणलाई विभिन्न देशका अन्तरिक्ष एजेन्सीहरूले प्रत्यक्ष प्रसारण गर्नेछन् । अमेरिकी अन्तरिक्ष एजेन्सी नासाले यसलाई प्रत्यक्ष प्रसारण गर्नेछ ।