११ बैशाख, कोहलपुर । इलाका प्रहरी कार्यालय कोहलपुरको नेतृत्वमा पहिलो पटक महिला डीएसपी आउने भएकी छन । गृह मन्त्रालयले नेपाल प्रहरीका १२१ जना प्रहरी नायव उपनिरीक्षक (डीएसपी) को सरुवा गरेसँगै ईप्रका कोहलपुरको नेतृत्व समेत परिवर्तन भएको छ ।

डीएसपी सरुवामा ईलाका प्रहरी कार्यालय कोहलपुरका डीएसपी धर्मराज भण्डारी समेत परेका छन । उनको ठाँउमा अब नेपाल प्रहरी प्रधान कार्यालय केन्द्रिय प्रहरी समाचार कक्षमा कार्यरत लक्ष्मि खनाल आउने भएकी हुन ।

भण्डारीको भने मानव वेचविखन अनुसन्धान ब्युरोमा सरुवा भएको छ ।

प्रहरी महानिरीक्षक दीपक थापाले एकसाथ १२१ जना डीएसपी सरुवा गर्ने निर्णय गरेको प्रहरी प्रधान कार्यालयले जानकारी दिएको छ।