२१ कात्तिक, नेपलागन्ज । ट्याक्टर दुर्घटनामा परी नेपालगन्जमा एक जनाको मृत्यु भएको छ । बुधबार बिहान भएको दुर्घटनामा नेपालगन्ज उपमहानगरपालिका वडा नम्बर १९ का वडाध्यक्ष प्रशुराम कुर्मीको छोराको मृत्यु भएको हो ।
जिल्ला प्रहरी कार्यालय बाँकेका अनुसार नेपालगन्ज उपमहानगरपालिका वडा नम्बर-१९ कटलिया गाउँको मोडमा भे १ त ७६२२ नम्बरको ट्याक्टर पल्टिएको थियो । खेतमा धान लिन गएका बेला तीब्र गतिमा रहेको ट्याक्टर मोड्ने क्रममा दुर्घटनामा परेको प्रहरीले जनाएको छ ।
ट्याक्टर पल्टिँदा अन्दाजी ३५ वर्षीय बाबुराम कुर्मीको मृत्यु भएको प्रहरीले जनाएको छ । मृतक बाबुरामले आफैंले ट्रयाक्टर चलाएका थिए ।
२१ कार्तिक २०८१, बुधबार १७:०८ प्रकाशित
