१९ कात्तिक, नेपालगन्ज । नेपालगन्जमा आईतबार राती दुई माेटरसाईकल एक आपसमा ठाेक्किदा १ जनाकाे मृत्यु भएकाे छ भने अर्का एक जना गम्भीर घाईते भएका छन । नेपालगन्ज ४ बसपार्क बाईपास रोडस्थित मानसरोवर दोहोरी साँझ नजिक दुई मोटरसाइकल एक आपसमा ठोक्किँदा नेपालगन्ज ६ डेरा गरी बस्ने २६ वर्षीय अमनकुमार कसौंधन (गुप्ता) को मृत्यु भएको छ भने नेपालगन्ज ११ बस्ने १८ वर्षीय एहसान शेख गम्भीर घाइते भएका छन ।
घाइते शेखको उपचार नेपालगन्जस्थित भेरी अस्पतालमा हुन नसकेपछि थप उपचारका लागी लखनऊ लगिएको जिल्ला प्रहरी कार्यालय बाँकेले जनाएको छ ।
प्रहरीका अनुसार नेपालगन्ज उपमहनपालिका ४ बाइपासबाट गणेशपुरतर्फ जाँदै गरेको भे ६ प ८०२ नम्बरको मोटरसाइकल र विपरित दिशाबाट आएको ज ३ प ७१७१ नम्बरको मोटरसाइकल एक आपसमा ठोक्किएको हो ।
सो दुर्घटनामा दुबै मोटरसाइकल चालक घाइते गम्भीर घाइते भएको र उपचारका लागि नर्सिङहोम नेपालगन्ज बाँकेमा ल्याइएकोमा चिकित्सकले कसौधनलाई आइतबार राति मृत घोषणा गरेका थिए ।
त्यसैगरी गम्भीर घाइते शेखको मुख, आँखा र शरिरमा भित्री चोट लागेकाले थप उपचारका लागि भारतको लखनऊ लगिएको परिवारको भनाइ उद्धृत गर्दै प्रहरीले जनाएको छ ।
१९ कार्तिक २०८१, सोमबार ०९:२९ प्रकाशित
