७ कात्तिक, कोहलपुर । बाँकेको कोहलपुरका युवा अर्विन चन्द ठकुरी नेपाली रियालिटी सो हिमालय रोडिजमा छानिएका छन् ।
ठकुरी हिमालय रोडिजको सिजन ६ को अडिसन राउण्डबाट छानिएका हुन् । उनी बाँके जिल्लाको प्रतिनिधित्व गर्दै रोडिजमा छानिएका छन् ।
हिमालय रोडिज सिजन-६ को प्रसारण सोमबारदेखि सुरु हुँदैछ । दर्शकले हिमालय टिभीमा प्रत्येक सोमबार राति ९ बजे नयाँ सिजन हेर्न पाउनेछन् ।
‘वेलकम टु द जंगल’को थिममा तयार पारिएको नयाँ सिजनको पहिलो एपिसोडको रोचक ट्रेलर सार्वजनिक भएको छ । जसमा ग्याङ लिडरबीचको नोकझोंक, प्रतिस्पर्धीले टास्कका लागि प्रतिस्पर्धालाई स्टाइलिस ढंगले प्रस्तुत गरिएको छ ।
१६ जना प्रतिस्पर्धीले उपाधिका लागि भिड्दैछन् । प्रत्येक कोचको समूहमा ४ जनाको दरले बाँडिएर प्रतिस्पर्धीले कला र साहस प्रस्तुत गर्नेछन् ।
७ कार्तिक २०८१, बुधबार १५:२० प्रकाशित
