१० असोज, कोहलपुर । बाँकेमा दुई मोटरसाइकल दुर्घटना हुँदा एकको मृत्यु भएको छ भने अर्का एक जना गम्भीर घाइते छन्।

नेपालगञ्ज उपमहानगरपालिका-२० राँझाका ४७ वर्षीय लोकबहादुर बंसीको उपचारका क्रममा नेपालगञ्ज नरसिंह होममा बिहीबार दिउँसो मृत्यु भएको प्रहरीले जानकारी दिएको छ ।

हुलाकी राजमार्ग अन्तरगत बिनौनादेखि अगैयातर्फ आउँदै गरेको बंसीले चलाएको भे ७ प ४३४० नम्बरको मोटरसाइकल र विपरीत दिशातर्फ जाँदै गरेको राप्तीसोनारी गाउँपालिका-६ फत्तेपुरका २५ वर्षीय राधेश्याम थारुले हाँकेचलाएको भे १२ प ८४२० नम्बरको मोटरसाइकल राप्तीसोनारी-४ धामपुरमा आपसमा ठोक्किएका थिए ।

दुर्घटनामा परेका राधेश्याम थारूको अवस्था गम्भीर रहेको प्रहरीले जनाएको छ ।