१८ असार, कोहलपुर । पाँच किलो अफिमसहित बाँकेको कोहलपुरबाट सोमबार दुई युवक पक्राउ परेका छन्।
जाजरकोट शिवालय गाउँपालिका-७ भिउसका ५५ वर्षीय रामबहादुर शाही र बारेकोट गाउँपालिका-८ सेपुखोलाका ३५ वर्षीय पूर्णबहादुर बिकलाई कोहलपुर प्रहरीले अफिमसहित पक्राउ गरेको हो ।
इलाका प्रहरी कार्यालय कोहलपुरबाट खटिएको टोलीले कोहलपुर नगरपालिका-१४ हवल्दारपुरमा शंका लागी चेकजाँच गर्दा उनीहरूको साथमा अफिम फेला पारेको हो।
बिकले बोकेको झोलामा ५ केजी ८६५ ग्राम अफिम फेला परेको प्रहरीले जनाएको छ । घटनास्थलबाट शाहीले प्रयोग गरेको कर्णाली प्रदेश ०२-००२ प ११८६ नम्बरको मोटरसाइकल समेत प्रहरीले बरामद गरेको छ ।
जिल्ला अदालत बाँकेबाट थप अनुसन्धानकालागि मंगलबार पाँच दिन म्याद थप गरिएको प्रहरीले जनाइएको छ।
१८ असार २०८१, मंगलवार १९:५२ प्रकाशित
