३१ जेठ, कोहलपुर । बाँकेको एक सामुदायीक बनमा भरुवा बन्दुक भेटिएको छ । राप्तिसोनारी गाउँपालिका वडा नम्बर ५ को सुनखोलि सामुदायिक वन र सिद्देस्वरी सामुदायिक वनको सिमानामा एकथान भरुवा बन्दुक फेला परेको प्रहरीले जनाएको छ ।
ईलाका प्रहरी कार्यालय धाम्पुरका प्रहरी नायब निरीक्षक भद्र सिंह वलिको कमान्डमा खटिएको प्रहरी टोलिले सामुदायीक् बनमा लुकाएर राखेको अवस्थामा उक्त भरुवा बन्दुक फेला पारेको हो ।
चोरी सिकारीका लागी बन्दुक जङ्गलमा लुकाइराखेको हुनसक्ने ईलाका प्रहरी कार्यालय धामपुरका प्रहरी हवल्दार टेकेन्द्र सिंह ठकुरीले बताए ।
केही महिना अघि समेत वडा नम्बर ५ कै सिद्धेस्वरी सामुदायिक बनमा लुकाएर राखेको भरुवा बन्दुक फेला परेको थियो ।
घटनाबारे थप अनुसन्धान जारी रहेको प्रहरीले जनाएको छ ।
३१ जेष्ठ २०८१, बिहीबार १४:३२ प्रकाशित
