२२ माघ, कोहलपुर । प्रेस चौतारी नेपालको २६ औँ स्थापना दिवसका अवसरमा बाँकेका चार जना पत्रकारलाई पुरस्कृत गरीएको छ । स्थापना दिवसरको अवसरमा नेपालगन्ज र कोहलपुरमा आयोजना गरीएका दुई छुट्टाछुट्टै कार्यक्रममा पत्रकारहरुलाई पुरस्कृत गरीएको हो ।

प्रेस चौतारी बाँकेले आयोजना गरेको कार्यक्रममा रेशम बिरही पत्रकारीता पुरस्कारबाट वरिष्ठ पत्रकार झलक गैरे पुरस्कृत भएका छन । त्यसैगरी क्रियाशिल पत्रकारीता पुरस्कार सरला सुवेदिलाई प्रदान गरीएको छ । उनिहरु दुबैलाई प्रमाणपत्रसहित जनही रु. पाँच हजार समेत प्रदान गरीएको प्रेस चौतारी बाँकेका सचिव कमल डाँगीले जानकारी दिए ।

त्यसैगरी दिवसकै अवसरमा सोमबार बिहान कोहलपुरमा आयोजित कार्यक्रममा बैकुण्ठ अधिकरी र पवित्रा परियार पुरस्कृत भएका छन । अग्रज पत्रकार विष्णु वेल्वासेका पिता स्व. दुर्गाप्रसाद बेल्बासेको स्मृतिमा स्थापना गरीएको पुरस्कारबाट अधिकारी र परियार पुरस्कृत भएका हुन । उनिहरु दुबैलाई प्रमाणपत्रसहित जनही रु. तिन हजार समेत प्रदान गरीएको प्रेस चौतारी नेपाल कोहलपुर नगर समिती अध्यक्ष प्रमोद रिजालले जानकारी दिए ।