२६ मंसिर, काठमाण्डौं । प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ मंगलवारदेखि ७० औं वर्षमा प्रवेश गरेका छन् ।
२०११ मंसिर २६ गते कास्कीको ढिकुरपोखरी गाविसमा जन्मेका प्रचण्ड ६९ पूरा भएर मंगलबारदेखि ७० औं वर्षमा प्रवेश गरेका हुन् ।
३७ वर्षको उमेरमा २०४८ सालमा नेकपा (एकता केन्द्र)को महामन्त्री भएका प्रचण्ड त्यसयता निरन्तर पार्टी प्रमुखको रूपमा रहेका छन् ।
४० वर्षको उमेरमा प्रचण्डले २०५१ सालमा नेपालमा सशस्त्र जनयुद्धको नेतृत्व शुरू गरेका थिए ।
प्रचण्ड ५४ वर्षको उमेरमा २०६५ सालमा प्रधानमन्त्री बनेका थिए । अहिले तेस्रो कार्यकालको प्रधानमन्त्री बनेका छन् ।
प्रचण्डको जन्मदिनको अवसरमा उनको परिवारका सदस्य, शुभचिन्तक र माओवादीका नेता कार्यकर्ताले शुभकामना दिएका छन् ।
२६ मंसिर २०८०, मंगलवार १६:१७ प्रकाशित
