३ असोज, कोहलपुर । सवारी सडक दुर्घटना न्यूनिकरण तथा ट्राफिक सचेतना प्रवाह गर्न कोहलपुर नगरपालिका अन्तरगतको १० नं. वडा कार्यालयले स्थानिय अस्थाई प्रहरी बिट एवं ट्राफिक प्रहरीलाई सामाग्री उपलब्ध गराएको छ ।

अस्थाई ट्राफिक प्रहरी पोष्ट हाईस्कूल तथा १ नं. प्रहरी बिटको अनुरोधमा ट्राफिक व्यवस्थापन एवं सवारी दुर्घटना न्यूनिकरणमा सहयोग पुर्याउने उद्देश्यले सचेतनामूलक नारा लेखिएका ब्यारिगेटर सहित सचेतनामूलक बोर्डहरू वडा कार्यालय मार्फत उपलब्ध गराईएको हो ।

८ थान ट्राफिक सचेतनामूलक नाराहरू लेखिएका ब्यारिगेटर, २र२ थान हर्न निषेध बोर्ड र यात्रु चढाउने ओराल्ने बोर्ड सहित २ हजार प्रति सचेतनामूलक पर्चा, पम्पलेट हस्तान्तरण गरिएको कोहलपुुर नगरपालिका वडा नं. १० वडाध्यक्ष गौरा भट्टराईले जानकारी दिईन ।

वडाध्यक्ष भट्टराईले बिट ईन्चार्ज आईतराम बुढा र ट्राफिक प्रहरी सहायक निरिक्षक मदन सिह मातरलाई ट्राफिक सचेतनामूलक सामाग्री हस्तान्तरण गरेकी थिईन् ।

सामाग्री हस्तान्तरण कार्यक्रममा जनप्रतिनीहरू सहित नगर प्रहरी प्रमुख विर बहाुर थापा, स्थानिय व्यवसायी तथा नागरिकहरूको उपस्थिति रहेको थियो ।