३१ असार, कोहलपुर । बाँकेका २ जनाकाे दुर्घटनामा परेर ज्यान गएकाे छ । बाँकेको कोहलपुर नगरपालिका अन्तरगत बिभिन्न स्थानमा भएको दुर्घटनामा २ जनाको मृत्यु भएको हाे । कोहलपुर-११ मा भएको बाईक दुर्घटनाबाट नेपालगञ्ज १८ का सुभास राई र कोहलपुर ४ बेलनपुरमा सिक्टा सिँचाई आयोजनाको नहरमा डुबेर २३ वर्षीया तारा बस्नेतकाे मृत्यु भएकाे प्रहरीले जनाएको छ ।
शनिवार साँझ कोहलपुर-११ पिपलचौतरामा बाईक दुर्घटनामा परेका अन्दाजि ३० वर्षिय राईको उपचारका क्रममा शिक्षण अस्पताल कोहलपुरमा मृत्यु भएको ईलाका प्रहरी कार्यालय काेहलपुरले जनाएकाे छ । रत्न राजमार्गमा भे७प ७११६ नम्बरको बाईक हाकिरहेका राई अनियन्त्रित भएपछि बाईक दुर्घटना भएको प्रत्यक्षदर्शीले बताएका छन ।
यसैगरि कोहलपुर-४ बेडनपुरमा रोपाई सकेर नुहाउने क्रममा शनिबार बैजनाथ-३ की बस्नेतको मृत्यु भएको छ ।
उनीसहित तीन जना सिक्टाको नहरमा नुहाउन गएका थिए । अन्य दुई जना भने सकुशल छन । दुबै जनालाई पोष्टमाटमका लागि भेरी अस्पताल नेपालगञ्ज लगिएको प्रहरीले जनाएको छ ।
३१ असार २०८०, आईतवार ११:०४ प्रकाशित
