१७ पुस, नेपालगन्ज । बाँकेकाे नेपालगन्जमा अज्ञात समुहकाे आक्रमणबाट ३ जना घाईते भएका छन । आईतबार गणेशपुरमा एक समुहले खुँडा र खुकुरी प्रहार गर्दा नेपालगन्ज उपमहानगरपालिका वडा नम्बर १२ निवासी अनुराग शाह, सोही ठाउँका उज्वल शाह र वडा नम्बर ४ का सुगम शाह घाइते भएका हुन् ।
नेपालगन्ज ४ गणेशपुरस्थित आफन्तको घरमा पुगेका बेला उक्त समुहले आइतबार दिउँसो १ बजेतिर तीन जनालाई आक्रमण गरेको प्रत्यक्षदर्शीले बताए । घाइते तीनै जनाको नेपालगन्ज मेडिकल कलेज शिक्षण अस्पताल नेपालगन्जमा उपचार भईरहेको प्रहरीले जनाएकाे छ ।
आक्रमण गर्ने समुहको खोजी कार्य चलिरहेको जिल्ला प्रहरी कार्यालय बाँकेले जनाएको छ । आक्रमण गर्ने क्रममा उनीहरू ६ जनाको संख्यामा आएको र भारतीय नम्बर प्लेटको गाडी छाडेर भागेको प्रहरीले जनाएको छ ।
१७ पुष २०७९, आईतवार १५:५७ प्रकाशित
