नेपाली काँग्रेस कोहलपुरको नगर सभापतिमा बिरेन्द्र कुमार शाह बिजयी भएका छन । काँग्रेसको १४ औँ महाधिवेशन अन्तर्गत बिहिबार भएको मतदानबाट कोहलपुर काँग्रेसमा शाहको प्यानल विजयी भएको हो । संस्थापन समुहबाट राजेन्द्र श्रेष्ठ र संस्थापनइतर समुहबाट शाहको प्यानल निर्वाचनमा होमिएको थियो । जसमध्ये १ सय ६० मत ल्याएर शाह बिजयी भएका हुन । श्रेष्ठले १ सय ४४ मत प्राप्त गरेका छन ।

यसै गरी उप सभापतिमा संस्थापन इतर समुहका भरत शर्मा र सुशिल सापकोटा विजयी भएका छन । संस्थापन समुहबाट चेतकान्त भट्टराई र अंशुमान चौधरीले उम्मेवदारी दिएका थिए । नगर सचिवमा गोविन्द्र वाग्ले र बाल कुमार शर्मा विजयी भएका छन भने सह सचिवमा महेश कुमार चौधरी र रामु लम्साल विजयी भएका छन । उनिहरु सबै शाह नेतृत्वको प्यानलबाट चुनावी मैदानमा होमिएका थिए ।