कोरोना भाइरस (कोभिड-१९) को संक्रमणबाट नेपाली काँग्रेस सुर्खेतका नेता वेदु गिरीको निधन भएको छ । काठमाडौंको मेडिसिटी अस्पतालमा उपचार गराइरहेका गिरीको शनिबार निधन भएको हो ।
४८ वर्षीय गिरी भेरीगंगा नगरपालिकाका पार्टी सभापति समेत हुन् । केही समय पहिला एपेण्डीसाइटको अप्रेशन गरेका गिरीको सोही घाउबाट क्यान्सर भएको थियो । क्यान्सरको उपचार गर्न अस्पताल भर्ना भएका गिरीलाई कोरोना संक्रमण देखिएको थियो । कोरोनाको उपचार चलिरहेकै अवस्थामा गिरीको निधन भएको हो ।
क्याम्पस पढ्दा पञ्चायतकालदेखि नै विद्यार्थी राजनीतिबाट पार्टी राजनीति शुरु गरेका गिरीले १३ वर्ष तरुण दल सुर्खेतको नेतृत्व गरेका थिए । उनि नेपाली काँग्रेसको आसन्न महाधिवेशन प्रतिनिधि समेत हुन् ।
१३ असार २०७८, आईतवार ०९:१६ प्रकाशित
