प्रधानमन्त्री केपी शर्मा ओलीले राष्ट्रिय राजनीतिलाई गलत दिशातिर मोड्ने काम कसैले नगर्न आग्रह गरेका छन । आइतबार बालुवाटारमा प्रेस चौतारी आबद्ध पत्रकारहरूसँगको अन्तरक्रियामा प्रधानमन्त्री ओलीले लोकतन्त्रले अभिव्यक्ति स्वतन्त्रता दिएको र अहिले केही मिडियाले त्यही स्वतन्त्रताको दुरुपयोग गर्ने काम गरेको भन्दै आपत्ती जनाए । उनले एक दैनिक पत्रिकामा छापिएको कार्टुनप्रति असन्तुष्टि जनाउँदै प्रेत भइसकेको राजसंस्थाको खल्तीमा गणतन्त्रको प्रतीकको रूपमा रहेको संस्थालाई राख्ने काम गरिएको बताए ।

उनले भने, ‘प्रेत संस्थाको भीमकाय फोटो बनाएर त्यसको खल्तीमा राष्ट्रपतिलाई राखेको । कति आनन्द आएको होला लोकतन्त्रको नाममा यस्ता घृणित कार्यहरू । राजतन्तत्र भनेको प्रेत संस्था हो । त्यो प्रेत संस्थाको विशाल भीमकाय फोटो बनाउने र नागरिकबाट निर्वाचित जनप्रतिनिधित्वको गणतन्त्रको प्रतीकको रूपमा रहेको संस्थालाई एउटा प्रेत संस्थाका, सामन्ती संस्थाको एउटा खल्तीमा राख्नेसम्मको रु लोकतन्त्रले दिएका स्वतन्त्रताको हकको दुरुपयोग हो ।’

उनले केही मिडियाले सरकारविरुद्ध मिसन पत्रकारिता नै सञ्चालन गरेको दाबी गरे । प्रधानमन्त्री ओलीले भने, केही त मिसन पत्रकारिता भएका छन् । जसको काम उपलब्धिको चर्चा नगर्ने र कमजोरीको मात्रै चर्चा गर्ने, छैन भन्ने, बनावटी अन्तरकुन्तरबाट मार्मिक कहानीहरू बनाउने, निकाल्ने । मार्मिक स्थितिको चित्रण गर्ने । त्यस्तो मार्मिक स्थिति अब आउन नपाओस् भनेर प्रयास गर्ने वा त्यस्ता प्रयासलाई साथ सहयोग गर्ने भन्दा पनि आफ्नो स्वार्थमा प्रयोग गर्ने प्रवृत्ति बोकेका छँदैछन् ।

उनले लोकतन्त्रका विरुद्ध अतिवादी शक्तिबाट निर्देशित हुने, अतिवादी शक्तिको लाचार छाया बनेर तिनको पछि-पछि लाग्ने काम नगर्न सचेत गराए । लोकतन्त्र आएपछि वैचारिक ढङ्गले भेदभाव गरिएका घटनाको फेहरिस्त दिँदै प्रधानमन्त्री ओलीले वर्तमान सरकार तानाशाही छ ? भनी प्रश्न गरे ।

उनले भने, ‘अहिलेको सरकार तानाशाही छ रु लोकतन्त्रमा पचासौँ पल्ट हामी गिरफ्तार भएका छौँ । नेताहरूले चुटाइ खाएका छन् । के अहिलेको सरकार त्यस्तो छ र ?’