१४ मंसिर, बर्दिया । बुटवलबाट धनगढीतर्फ गई रहेको लु ८५७१ नम्बरको यात्रुबाहक बस दुर्घटना हुँदा आठ यात्रु घाइते भएका छन् ।

पूर्वपश्चिम राजमार्गस्थित बर्दियाको ठाकुरबाबा नगरपालिका-४ सैनावारमा बस अनियन्त्रित भई आज बिहान पल्टिएको जिल्ला ट्राफिक प्रहरी कार्यालयले जनाएको छ ।

बस दुर्घटनामा एक यात्रु सिकिस्त घाइते भएको जिल्ला ट्राफिक प्रहरीले जनाएको छ । उनलाई थप उपचारका लागि कोहलपुर ल्याईएको छ । अन्य सात जना सामान्य उपचारपछि घर फर्केका छन् ।